ಸಿನಿರಂಗದಲ್ಲಿ ಕೆಲವೊಂದು ಸಿನೆಮಾಗಳು ದೊಡ್ಡ ಮಟ್ಟದ ವಿವಾದಗಳಿಗೆ ಕಾರಣವಾಗುತ್ತಿರುತ್ತವೆ. ಕಳೆದ ವರ್ಷ ತೆರೆಕಂಡ ದಿ ಕಾಶ್ಮೀರಿ ಫೈಲ್ಸ್ ಸಿನೆಮಾ ಸಹ ವಿವಾದಗಳ ನಡುವೆಯೇ ಭಾರಿ ಸಕ್ಸಸ್ ಕಂಡುಕೊಂಡಿದೆ. ಈ ಸಿನೆಮಾದ ಮಾದರಿಯಲ್ಲೇ ದಿ ಕೇರಳ ಸ್ಟೋರಿ ಸಿನೆಮಾ ಸಹ ಕಳೆದ ವೀಕೆಂಡ್ ನಲ್ಲಿ ರಿಲೀಸ್ ಆಗಿದ್ದು, ದೇಶದಾದ್ಯಂತ ಸಂಚಲನ ಸೃಷ್ಟಿಸಿದೆ. ಈಗಾಗಲೇ ಈ ಸಿನೆಮಾವನ್ನು ತಮಿಳುನಾಡಿನಲ್ಲಿ ನಿಷೇಧ ಮಾಡಿದೆ. ಇದೀಗ ಬೆಂಗಾಲ್ ಸರ್ಕಾರ ಸಹ ಈ ಸಿನೆಮಾವನ್ನು ಬ್ಯಾನ್ ಮಾಡಿದ್ದಾಗಿ ಘೋಷಣೆ ಮಾಡಿದೆ.
ಕಳೆದ ವರ್ಷ ತೆರೆಗೆ ಬಂದಂತಹ ದಿ ಕಾಶ್ಮೀರಿ ಫೈಲ್ಸ್ ಸಿನೆಮಾ ಇಡೀ ದೇಶದಾದ್ಯಂತ ಭಾರಿ ಸಂಚಲನ ಸೃಷ್ಟಿ ಮಾಡಿತ್ತು. ಈ ಸಿನೆಮಾದ ಮೇಲೂ ಸಹ ಅನೇಕ ವಿವಾದಗಳು ಸೃಷ್ಟಿಯಾಗಿದ್ದವು. ಇದೀಗ ದಿ ಕೇರಳ ಸ್ಟೋರಿ ಎಂಬ ಸಿನೆಮಾದ ಸಹ ಭಾರಿ ಸಂಚಲನ ಸೃಷ್ಟಿ ಮಾಡಿದೆ. ಈ ಸಿನೆಮಾ ಸ್ಕ್ರೀನಿಂಗ್ ಆಗಬೇಕೆಂದು ಈಗಾಗಲೇ ಅನೇಕರು ಆಗ್ರಹಿಸುತ್ತಿದ್ದಾರೆ. ಆದರೆ ಬಾಕ್ಸ್ ಆಫೀಸ್ ನಲ್ಲಿ ಒಳ್ಳೆಯ ಕಲೆಕ್ಷನ್ ಮಾಡುತ್ತಿದೆ. ಸಿನೆಮಾ ಬಿಡುಗಡೆಯಾಗಿ ಪ್ರದರ್ಶನ ಆಗುತ್ತಿದ್ದರೂ ಸಹ ಸಿನೆಮಾದ ಮೇಲಿನ ವಿವಾದ ಮುಂದುವರೆಯುತ್ತಲೇ ಇದೆ. ಇದೀಗ ಪಶ್ಚಿಮ ಬಂಗಾಳ ಸರ್ಕಾರ ಈ ಸಿನೆಮಾದ ಮೇಲೆ ನಿಷೇಧ ಹೇರಿದೆ. ಮತ ಕಲಹ ಆಗುವ ಸಾಧ್ಯತೆಗಳಿರುವ ಕಾರಣದಿಂದ ಸಿನೆಮಾ ಮೇಲೆ ನಿಷೇಧ ಹೇರಲಾಗಿದೆ ಎಂದು ಹೇಳಲಾಗುತ್ತಿದೆ. ಈ ಹಿಂದೆಯೇ ತಮಿಳುನಾಡು ಸರ್ಕಾರ ಈ ಸಿನೆಮಾದ ಮೇಲೆ ಪಾಕ್ಷಿಕವಾಗಿ ನಿಷೇಧ ಹೇರಿದೆ. ಮೆಟ್ರೋ ನಗರಗಳಲ್ಲಿ ಈ ಸಿನೆಮಾದ ಪ್ರದರ್ಶನಕ್ಕೆ ಅವಕಾಶ ನೀಡಿಲ್ಲ. ಈ ಹಾದಿಯಲ್ಲೇ ಇದೀಗ ಬಂಗಾಳ ಸರ್ಕಾರ ಸಹ ನಿಷೇಧ ಹೇರಿದೆ.
ಇನ್ನೂ ಪ್ರೀತಿಯ ಹೆಸರಿನಲ್ಲಿ ಹಿಂದೂ ಯುವತಿಯರನ್ನು ದೇಶಾಂತರ ಮಾಡಿ ಉಗ್ರವಾದಕ್ಕೆ ಬಳಸಿಕೊಳ್ಳುತ್ತಾರೆ ಎಂಬ ಅಂಶವನ್ನು ಆಧರಿಸಿ ಈ ಸಿನೆಮಾ ತೆರೆಗೆ ಬಂದಿದೆ. ಈ ಸಿನೆಮಾಗೆ ಈಗಾಗಲೇ ಸೆನ್ಸಾರ್‍ ಬೋರ್ಡ್ ಸಹ ಕೆಲವೊಂದು ದೃಶ್ಯಗಳಿಗೆ ಕತ್ತರಿ ಸಹ ಹಾಕಿದ್ದಾರೆ. ಬಿಡುಗಡೆಯಾದ ಬಳಿಕ ಅನೇಕ ವಿವಾದಗಳಿಗೆ ಕಾರಣವಾಗಿದೆ. ಇನ್ನೂ ಈ ಸಿನೆಮಾ ಬಿಜೆಪಿ ಪಕ್ಷಕ್ಕೆ ಅನುಕೂಲವಾಗಲಿದೆ ಎಂಬ ಸುದ್ದಿಗಳು ಸಹ ಕೇಳಿಬಂದಿದೆ. ಬಿಜೆಪಿಯೇತರ ಸರ್ಕಾರಗಳು ದಿ ಕೇರಳ ಸ್ಟೋರಿ ಸಿನೆಮಾದ ಮೇಲೆ ಪೋಕಸ್ ಇಟ್ಟಿವೆ. ಈ ಹಾದಿಯಲ್ಲೇ ಪಶ್ಚಿಮ ಬಂಗಾಳ ಸರ್ಕಾರ ಸಹ ಈ ಸಿನೆಮಾ ನಿಷೇಧ ಮಾಡಿದೆಯೇ ಎಂಬ ಅನುಮಾನಗಳು ಮೂಡುವಂತೆ ಮಾಡಿದೆ. ಇನ್ನೂ ಈ ಸಿನೆಮಾ ಸದ್ಯ ಸುಮಾರು 35 ಕೋಟಿಗೂ ಅಧಿಕ ಕಲೆಕ್ಷನ್ ಮಾಡಿದೆ.
ಇನ್ನೂ ಈ ಸಿನೆಮಾದ ಬಗ್ಗೆ ಟಾಲಿವುಡ್ ವಿವಾದಿತ ನಿರ್ದೇಶಕ ಎಂದೇ ಕರೆಯಲಾಗುವ ರಾಮ್ ಗೋಪಾಲ್ ವರ್ಮಾ ಸಹ ಮೆಚ್ಚುಗೆ ಟ್ವೀಟ್ ಮಾಡಿದ್ದಾರೆ. ಇದು ಅಸಲೀ ಪ್ಯಾನ್ ಇಂಡಿಯಾ ಸಿನೆಮಾ ಎಂದು ಟ್ವೀಟ್ ಮಾಡಿದ್ದಾರೆ. ಈ ಸಿನೆಮಾವನ್ನು ಸುದೀಪ್ತ್ ಸೇನ್ ನಿರ್ದೇಶನ ಮಾಡಿದ್ದು, ವಿಪುಲ್ ಅಮೃತ್ ಲಾಲ್ ಷಾ ನಿರ್ಮಾಣ ಮಾಡಿದ್ದಾರೆ. ಇನ್ನೂ ಈ ಸಿನೆಮಾದಲ್ಲಿ ಅದಾ ಶರ್ಮಾ ಪ್ರಮುಖ ಪಾತ್ರದಲ್ಲಿ ನಟಿಸಿದ್ದಾರೆ.
