RRR ಸಿನೆಮಾದ ಮೂಲಕ ಗ್ಲೋಬಲ್ ಸ್ಟಾರ್‍ ಇಮೇಜ್ ಪಡೆದುಕೊಂಡ ಜೂನಿಯರ್‍ ಎನ್.ಟಿ.ಆರ್ ರವರ ಮುಂದಿನ ಸಿನೆಮಾಗಳ ಮೇಲೆ ಭಾರಿ ನಿರೀಕ್ಷೆ ಇದೆ. ಸದ್ಯ ಅವರು ಕೊರಟಾಲಶಿವ ನಿರ್ದೇಶನದಲ್ಲಿ ಸೆಟ್ಟೇರಿದ ದೇವರ ಎಂಬ ಸಿನೆಮಾದಲ್ಲಿ ಬ್ಯುಸಿಯಾಗಿದ್ದಾರೆ. ಈ ಸಿನೆಮಾ ಪ್ಯಾನ್ ವರ್ಲ್ಡ್ ಸಿನೆಮಾ ಆಗಿರಲಿದೆ ಎಂದು ಸಹ ಹೇಳಲಾಗುತ್ತಿದೆ. ಈ ಸಿನೆಮಾದ ಬಳಿಕ ಜೂನಿಯರ್‍ ಎನ್.ಟಿ.ಆರ್ ಹಾಗೂ ಸ್ಯಾಂಡಲ್ ವುಡ್ ನಿರ್ದೇಶಕ ಪ್ರಶಾಂತ್ ನೀಲ್ ಕಾಂಬಿನೇಷನ್ ನಲ್ಲಿ NTR31 ಸಿನೆಮಾ ಸೆಟ್ಟೇರಲಿದ್ದು, ಸೆಟ್ಟೇರುವ ಮುಂಚೆಯೇ ಈ ಸಿನೆಮಾದಿಂದ ಕ್ರೇಜಿ ರೂಮರ್ ಗಳು ಹರಿದಾಡುತ್ತಿವೆ.
ಸ್ಯಾಂಡಲ್ ವುಡ್ ಸ್ಟಾರ್‍ ನಿರ್ದೇಶಕ ಪ್ರಶಾಂತ್ ನೀಲ್ ಸದ್ಯ ಸಲಾರ್ ಸಿನೆಮಾದ ಶೂಟಿಂಗ್ ನಲ್ಲಿದ್ದು ಈ ಸಿನೆಮಾದ ಬಳಿಕ ಜುಣಿಯರ್‍ ಎನ್.ಟಿ.ಆರ್ ರವರ ಜೊತೆ ಸಿನೆಮಾ ಮಾಡಲಿದ್ದಾರೆ. ಈ ಸಿನೆಮಾ ಸಹ ಈಗಾಗಲೇ ಘೋಷಣೆ ಮಾಡಲಾಗಿದೆ. ಜೂನಿಯರ್‍ ಎನ್.ಟಿ.ಆರ್ ರವರ ದೇವರ ಹಾಗೂ NTR31 ಸಿನೆಮಾ ಸಿನಿರಂಗದಲ್ಲಿ ಇದೀಗ ಹಾಟ್ ಟಾಪಿಕ್ ಆಗಿವೆ. ಈಗಾಗಲೇ ದೇವರ ಸಿನೆಮಾದ ಶೂಟಿಂಗ್ ಸಹ ಭರದಿಂದ ಸಾಗುತ್ತಿದೆ. ಈ ಸಿನೆಮಾದಲ್ಲಿ ಬಾಲಿವುಡ್ ನ ಸ್ಟಾರ್‍ ಕಲಾವಿದರೂ ಸಹ ನಟಿಸುತ್ತಿದ್ದಾರೆ. ವಿಲನ್ ಆಗಿ ಬಾಲಿವುಡ್ ಸ್ಟಾರ್‍ ಸೈಫ್ ಅಲಿ ಖಾನ್, ಎನ್.ಟಿ.ಆರ್ ರವರಿಗೆ ಜೋಡಿಯಾಗಿ ಯಂಗ್ ಬ್ಯೂಟಿ ಜಾನ್ವಿ ಕಪೂರ್‍ ನಟಿಸುತ್ತಿದ್ದಾರೆ. ಹೈದರಾಬಾದ್ ನ ಕೆಲವೊಂದು ಪ್ರದೇಶಗಳಲ್ಲಿ ಸಿನೆಮಾದ ಶೂಟಿಂಗ್ ಸಹ ಭರದಿಂದ ಸಾಗುತ್ತಿದೆ.
ಇನ್ನೂ NTR31 ಸಿನೆಮಾ ಇನ್ನೂ ಸೆಟ್ಟೇರಿಲ್ಲ. ದೇವರ ಸಿನೆಮಾದ ಬಳಿಕ ಸೆಟ್ಟೇರಲಿದೆ. ಆದರೆ ಈ ಸಿನೆಮಾದ ಬಗ್ಗೆ ಈಗಾಗಲೇ ಅನೇಕ ಕ್ರೇಜಿ ರೂಮರ್ ಗಳು ಕೇಳಿಬರುತ್ತಲೇ ಇದೆ. ಕಳೆದರಡು ದಿನಗಳ ಹಿಂದೆಯಷ್ಟೆ ಈ ಸಿನೆಮಾದಲ್ಲಿ ನಟಯಾಗಿ ಪ್ರಿಯಾಂಕಾ ಚೋಪ್ರಾ ರವರನ್ನು ಕರೆತರಲು ಸಿದ್ದತೆಗಳು ನಡೆಯುತ್ತಿವೆ ಎಂಬ ಸುದ್ದಿ ಕೇಳಿಬಂದಿತ್ತು. ಮೂರು ದಿನಗಳ ಕಾಲ ಈ ಸುದ್ದಿ ಹಾಟ್ ಟಾಪಿಕ್ ಆಗಿ ಹರಿದಾಡಿತ್ತು. ಇದೀಗ ಮತ್ತೊಂದು ಕ್ರೇಜಿ ರೂಮರ್ ಕೇಳಿಬರುತ್ತಿದೆ. ಅದು ಸಿನೆಮಾದಲ್ಲಿ ವಿಲನ್ ಪಾತ್ರ. ಹೌದು NTR31 ಸಿನೆಮಾದಲ್ಲಿ ವಿಲನ್ ಆಗಿ ಮಾಜಿ ವಿಶ್ವ ಸುಂದರಿ ಐಶ್ವರ್ಯ ರೈ ರವರನ್ನು ಕರೆತರಲು ಪ್ಲಾನ್ ಮಾಡಲಾಗುತ್ತಿದೆಯಂತೆ. ಸದ್ಯ ಈ ಸುದ್ದಿ ಸೋಷಿಯಲ್ ಮಿಡಿಯಾದಲ್ಲಿ ಹಲ್ ಚಲ್ ಸೃಷ್ಟಿಸಿದೆ.
ನಿರ್ದೇಶಕ ಪ್ರಶಾಂತ್ ನೀಲ್ NTR31 ಸಿನೆಮಾಗೆ ವಿಲನ್ ಪಾತ್ರಕ್ಕಾಗಿ ಮಾಜಿ ವಿಶ್ವ ಸುಂದರಿ ಐಶ್ವರ್ಯ ರೈ ರವರನ್ನು ಕರೆತರಲು ಪ್ಲಾನ್ ಮಾಡಲಾಗತ್ತಿದೆ ಎಂದು ಸುದ್ದಿ ಕೇಳಿಬರುತ್ತಿದೆ. ಈ ಸುದ್ದಿಯ ಬಗ್ಗೆ ಯಾವುದೇ ಅಧಿಕೃತ ಅಪ್ಡೇಟ್ ಇಲ್ಲವಾದರೂ ಸುದ್ದಿ ಮಾತ್ರ ಬಿರುಗಾಳಿಯಂತೆ ಹರಿದಾಡುತ್ತಿದೆ. ಒಂದು ವೇಳೆ ಈ ರೂಮರ್ ಗಳು ನಿಜವೇ ಆದರೇ ಸಿನೆಮಾ ನೆಕ್ಸ್ಟ್ ಲೆವೆಲ್ ನಲ್ಲಿ ಇರಲಿದೆ ಎಂದು ಹೇಳಲಾಗುತ್ತಿದೆ.
