Health Tips: ಸೊಳ್ಳೆಯ ಕಡಿತಕ್ಕೆ ಕೆಲವು ಮನೆಮದ್ದುಗಳು…

ಸೊಳ್ಳೆಗಳ ಕಡಿತಕ್ಕೆ ತ್ವರಿತ ಪರಿಹಾರ ನೀಡುವ ಮನೆಮದ್ದುಗಳು

ಸೊಳ್ಳೆಗಳು ಕಡಿದರೆ ಅದು ತುಂಬಾ ನೋವುಂಟು ಮಾಡುವುದು. ಇದು ಕೆಲವೊಂದು ಚರ್ಮವನ್ನು ಕೆಂಪಾಗಿಸುವುದು. ಇದರ ನಿವಾರಣೆ ಮಾಡಲು ಕೆಲವು ಮನೆಮದ್ದುಗಳನ್ನು ನೀವು ಬಳಸಬಹುದು.

ಬೇಸಗೆ ಕಳೆದು ಇನ್ನೇನು ಮಳೆಗಾಲ ಬರಲು ಇನ್ನು ಕೆಲವೇ ಕೆಲವು ದಿನಗಳು ಬಾಕಿ ಉಳಿದಿದೆ. ಇಂತಹ ಸಂದರ್ಭದಲ್ಲಿ ಸುತ್ತಲಿನ ವಾತಾವರಣದಲ್ಲಿ ಕೂಡ ಹಲವಾರು ಬದಲಾವಣೆಗಳು ಆಗುತ್ತದೆ. ಇದರಲ್ಲಿ ಮುಖ್ಯವಾಗಿ ಸೊಳ್ಳೆಗಳು ಕೂಡ ವಾತಾವರಣದಲ್ಲಿ ಹೆಚ್ಚಾಗುವುದು.

ಕೆಲವೊಂದು ಸಲ ಈ ಸೊಳ್ಳೆಗಳು ನಮ್ಮನ್ನು ಕಚ್ಚಿದರೆ ಅದರಿಂದ ಅತಿಯಾದ ನೋವು ಕಾಡುವುದು. ಇನ್ನು ಕೆಲವು ಸೊಳ್ಳೆಗಳ ಕಡಿತದಿಂದಾಗಿ ಊತ ಕೂಡ ಬರುವುದು. ಅದರಲ್ಲೂ ಮಳೆಗಾಲದಲ್ಲಿ ಹೆಚ್ಚಾಗಿ ನೀರು ನಿಲ್ಲು ಪರಿಣಾಮದಿಂದಾಗಿ ಸೊಳ್ಳೆಗಳು ಅತಿಯಾಗಿರುತ್ತದೆ.

ಸೊಳ್ಳೆಗಳ ಕಡಿತಕ್ಕೆ ಮನೆಮದ್ದುಗಳು

ಮನೆಯಿಂದ ಹೊರಗಡೆ ಸುತ್ತಾಡಲು ಹೋದರೆ ಸೊಳ್ಳೆಗಳು ಮುತ್ತಿಕ್ಕಿಕೊಳ್ಳುವುದು. ಇದನ್ನು ನಾವು ಕಡೆಗಣಿಸಲು ಕೂಡ ಆಗದು. ಸೊಳ್ಳೆ ಕಡಿತದಿಂದ ತುರಿಕೆ ಮತ್ತು ನೋವು ಎರಡೂ ಆಗುವುದು. ಇನ್ನು ಕೆಲವು ಸೂಕ್ಷ್ಮ ಚರ್ಮದವರಲ್ಲಿ ಇದರಿಂದ ಊತ ಮತ್ತು ಚರ್ಮವು ಕೆಂಪಾಗುವುದು.

ಸೊಳ್ಳೆಗಳ ಕಡಿತವು ಹಾನಿಯನ್ನು ಉಂಟು ಮಾಡುವುದಿಲ್ಲವಾದರೂ ಕೆಲವೊಂದು ಸಂಧರ್ಭದಲ್ಲಿ ಇದು ಅತೀವ ನೋವು ಮತ್ತು ತುರಿಕೆ ಉಂಟು ಮಾಡುವುದು. ಇದಕ್ಕೆ ನೀವು ಕೆಲವು ಮನೆಮದ್ದುಗಳನ್ನು ಬಳಸಿಕೊಂಡರೆ ಅದು ತುಂಬಾ ಪರಿಣಾಮಕಾರಿ ಆಗಿರುತ್ತದೆ. ಇಂತಹ ಮನೆಮದ್ದುಗಳ ಬಗ್ಗೆ ನೀವು ತಿಳಿಯಿರಿ. ಮನೆಯಲ್ಲಿ ಸೊಳ್ಳೆಗಳ ಕಾಟ ಜಾಸ್ತಿ ಆಗಿದೆಯೇ? ಹಾಗಾದ್ರೆ ಹೀಗೆ ಮಾಡಿ

ಐಸ್

ತಂಪು ಉರಿಯೂತವನ್ನು ಕಡಿಮೆ ಮಾಡುವುದು. ಐಸ್ ನ್ನು ನೀವು ನೇರವಾಗಿ ಚರ್ಮದ ಮೇಲೆ ಇಡಬೇಡಿ. ಇದರ ಬದಲಿಗೆ ಐಸ್ ಪ್ಯಾಕ್ ನ್ನು ಸುಮಾರು 10-15 ನಿಮಿಷ ಕಾಲ ಬಾಧಿತ ಜಾಗಕ್ಕೆ ಇಡಬೇಕು. ನೀವು ಐಸ್ ಮತ್ತು ಕೀಟದ ಕಡಿತದ ಜಾಗದ ಮಧ್ಯೆ ಟವೆಲ್ ಇಡಬಹುದು. ಇದರಿಂದ ಐಸ್ ನ್ನು ದೀರ್ಘಕಾಲ ತನಕ ಸೊಳ್ಳೆ ಕಡಿತದ ಜಾಗದಲ್ಲಿ ಇಡಬಹುದು.

ಅಲೋವೆರಾ

ಅಲೋವೆರಾವು ನೈಸರ್ಗಿಕವಾಗಿ ನಂಜುನಿರೋಧಕ ಗುಣ ಹೊಂದಿದೆ. ಇದು ತುರಿಕೆ ಮತ್ತು ಊತವನ್ನು ಕಡಿಮೆ ಮಾಡುವುದು ಮತ್ತು ವೇಗವಾಗಿ ಶಮನ ನೀಡುವುದು. ಇದು ಬಿಸಿಲಿನಿಂದ ಸುಟ್ಟ ಗಾಯವನ್ನು ಕೂಡ ನಿವಾರಣೆ ಮಾಡುವುದು.

ಅಲೋವೆರಾದ ಎಲೆ ತೆಗೆದು, ಅದರ ಲೋಳೆಯನ್ನು ನೇರವಾಗಿ ನೀವು ಚರ್ಮದ ಮೇಲಿಡಿ. 10-15 ನಿಮಿಷ ಕಾಲ ಹಾಗೆ ಬಿಡಿ. ಇದರ ಬಳಿಕ ಕಡಿತದ ಭಾಗವನ್ನು ಸ್ವಲ್ಪ ಉಜ್ಜಿಕೊಳ್ಳಿ.

ಲಿಂಬೆ ರಸ

ಲಿಂಬೆರಸದಲ್ಲಿ ಉರಿಯೂತ ಶಮನಕಾರಿ ಮತ್ತು ಅರವಳಿಕೆ ಗುಣಗಳು ಇವೆ. ಇದು ಊತ ಮತ್ತು ನೋವು ಕಡಿಮೆ ಮಾಡುವುದು. ಲಿಂಬೆ ತುಂಡು ಮಾಡಿಕೊಂಡು ಅದನ್ನು ಕೀಟ ಕಡಿದ ಭಾಗಕ್ಕೆ ಉಜ್ಜಿಕೊಳ್ಳಿ. ಲಿಂಬೆ ರಸ ಮತ್ತು ತುಳಸಿ ಎಲೆಯ ಪೇಸ್ಟ್ ನ ಮಿಶ್ರಣ ಮಾಡಿಕೊಂಡು ಹಚ್ಚಿಕೊಂಡರೆ ಅದು ಕೂಡ ಶಮನ ನೀಡುವುದು.

ಪುದೀನಾ ಎಲೆಗಳನ್ನು ಬಳಸಿದರೂ ತುಂಬಾ ಪರಿಣಾಮಕಾರಿ ಹಾಗೂ ತಂಪು ನೀಡುವುದು.
ಸೊಳ್ಳೆ ಕಡಿತದಿಂದ ಪಾರಾಗಲು 5 ವಿಧಾನಗಳು

ಅಡುಗೆ ಸೋಡಾ ಮತ್ತುಆಪಲ್ ಸೀಡರ್ ವಿನೇಗರ್

ಕ್ಷಾರೀಯ ಗುಣ ಹೊಂದಿರುವಂತಹ ಅಡುಗೆ ಸೋಡಾವು ಕೀಟ ಕಡಿತದ ಭಾಗದಲ್ಲಿ ಪಿಎಚ್ ಮಟ್ಟವನ್ನು ತಟಸ್ಥಗೊಳಿಸುವುದು ಮತ್ತು ಇದರಿಂದ ತುರಿಕೆ ಮತ್ತು ಊತವು ಕಡಿಮೆ ಆಗುವುದು. ನೀರಿಗೆ ಒಂದು ಚಮಚ ಅಡುಗೆ ಸೊಡಾ ಹಾಕಿ ಮತ್ತು ಇದರ ಪೇಸ್ಟ್ ನ್ನು ಬಾಧಿತ ಜಾಗಕ್ಕೆ ಹಚ್ಚಿಕೊಳ್ಳಿ.

15-20ನಿಮಿಷ ಹಾಗೆ ಬಿಟ್ಟು ಬಳಿಕ ಉಗುರುಬೆಚ್ಚಗಿನ ನೀರಿನಿಂದ ತೊಳೆಯಿರಿ. ಆಪಲ್ ಸೀಡರ್ ವಿನೇಗರ್ ಕಡಿಮೆ ಆಮ್ಲೀಯತೆ ಹೊಂದಿದ್ದು, ಇದು ನೈಸರ್ಗಿಕವಾಗಿ ಪಿಎಚ್ ಮಟ್ಟವನ್ನು ಕಾಪಾಡುವುದು. ಇದನ್ನು ನೀವು ನೇರವಾಗಿ ಚರ್ಮಕ್ಕೆ ಉಜ್ಜಿಕೊಳ್ಳಬಹುದು ಅಥವಾ ಸ್ನಾನ ಮಾಡುವ ವೇಳೆ ನೀರಿಗೆ ಕೆಲವು ಹನಿ ಹಾಕಿಕೊಳ್ಳಿ.

ಈರುಳ್ಳಿ ಮತ್ತು ಬೆಳ್ಳುಳ್ಳಿ

ಘಾಟು ಗುಣ ಹೊಂದಿರುವಂತಹ ಬೆಳ್ಳುಳ್ಳಿ ಮತ್ತು ಈರುಳ್ಳಿಯು ಊತ ಕಡಿಮೆ ಮಾಡುವುದು ಮತ್ತು ಶಮನ ನೀಡುವುದು. ಇದರಲ್ಲಿನ ಘಾಟು ಕೀಟಗಳನ್ನು ದೂರವಿಡುವುದು. ಬಾಧಿತ ಜಾಗಕ್ಕೆ ಈರುಳ್ಳಿ ಅಥವಾ ಬೆಳ್ಳುಳ್ಳಿ ಪೇಸ್ಟ್ ಹಚ್ಚಿಕೊಳ್ಳಿ. ಕೆಲವು ನಿಮಿಷ ಹಾಗೆ ಬಿಡಿ ಮತ್ತು ಇದರ ಬಳಿಕ ತೊಳೆಯಿರಿ.

ಉಪ್ಪು

ಸೊಳ್ಳೆ ಕಡಿತಕ್ಕೆ ಉಪ್ಪು ತುಂಬಾ ಪರಿಣಾಮಕಾರಿ ಮನೆಮದ್ದು. ಇದು ನಂಜುನಿರೋಧಕ ಮತ್ತು ಉರಿಯೂತ ಶಮನಕಾರಿ ಗುಣ ಹೊಂದಿದೆ. ಇದನ್ನು ಸ್ವಲ್ಪ ನೀರಿಗೆ ಹಾಕಿಕೊಂಡು ಅದನ್ನು ಬಾಧಿತ ಜಾಗಕ್ಕೆ ಹಚ್ಚಿಕೊಳ್ಳಿ. ಬೆಳ್ಳುಳ್ಳಿ ಮತ್ತು ಉಪ್ಪಿನ ಪೇಸ್ಟ್ ಮಾಡಿಕೊಂಡು ಹಚ್ಚಬಹುದು. ಇದು ಕೂಡ ತುಂಬಾ ಪರಿಣಾಮಕಾರಿ ಆಗಿರುವುದು.

ಜೇನುತುಪ್ಪ

ಜೇನುತುಪ್ಪವನ್ನು ನೇರವಾಗಿ ಕೀಟ ಕಚ್ಚಿದ ಜಾಗಕ್ಕೆ ಹಚ್ಚಿಕೊಳ್ಳಿ. ಜೇನುತುಪ್ಪವು ಬ್ಯಾಕ್ಟೀರಿಯಾ ವಿರೋಧಿ ಮತ್ತು ಇದು ಕೀಟ ಕಡಿತದಿಂದ ಉಂಟಾಗುವಂತಹ ಸೋಂಕು ಕಡಿಮೆ ಮಾಡುವುದು. ನೈಸರ್ಗಿಕವಾಗಿ ಸಿಗುವ ಜೇನುತುಪ್ಪ ಬಳಸಿ. ಸ್ವಲ್ಪ ಹಚ್ಚಿಕೊಂಡರೂ ಅದು ಉರಿಯೂತ ಕಡಿಮೆ ಮಾಡುವುದು. ಇದರಿಂದ ನೀವು ತುರಿಸುವುದು ಕೂಡ ಕಡಿಮೆ ಆಗುವುದು.

ಸಾರಭೂತ ತೈಲ

ಟೀ ಟ್ರೀ ಎಣ್ಣೆ, ರೋಸ್ಮೆರಿ, ಲ್ಯಾವೆಂಡರ್, ಬೇವು ಇತ್ಯಾದಿಗಳು ಕೀಟಗಳ ಕಡಿತದಿಂದ ತಾತ್ಕಾಲಿಕವಾಗಿ ಪರಿಹಾರ ನೀಡುವುದು. ಇದೆಲ್ಲವೂ ನೈಸರ್ಗಿಕವಾಗಿ ತಯಾರಿಸಿಕೊಂಡಂತಹ ಎಣ್ಣಗಳಾಗಿವೆ. ಇದನ್ನು ಬಳಸಿಕೊಂಡರೆ ತುಂಬಾ ಪರಿಣಾಮಕಾರಿ.

ಇದನ್ನು ನೀರಿಗೆ ಸ್ವಲ್ಪ ಹಾಕಿಕೊಂಡು ಬಳಸಿ ಅಥವಾ ಬಾಧಿತ ಜಾಗಕ್ಕೆ ಉಜ್ಜಿಕೊಳ್ಳಿ. ಇದೆಲ್ಲವೂ ಕೀಟ ಕಡಿತಕ್ಕೆ ಬಳಸುವ ಮನೆಮದ್ದುಗಳು. ಇನ್ನು ನೀವು ಕೀಟಗಳನ್ನು ದೂರ ಮಾಡಲು ಆಯುರ್ವೇದಿಕ್ ವಿಧಾನ ಬಳಸಿಕೊಳ್ಳಿ.

ಆಯುರ್ವೇದಿಕ್ ವಿಧಾನ

ಶ್ರೀಗಂಧದ ಕಡ್ಡಿ, ಲೋಬನ ಮತ್ತು ಕರ್ಪೂರ ಹಾಕಿಕೊಂಡು ಬತ್ತಿ ತಯಾರಿಸಿ ಅಥವಾ ಹೊಗೆ ಹಾಕಿ. ಇದರಿಂದ ಕೀಟಗಳು ದೂರ ಓಡುವುದು. ಇದು ತುಂಬಾ ಪರಿಣಾಮಕಾರಿ ಆಗಿರುವುದು.

ಅಮೃತ ಎಲೆಗಳನ್ನು ರುಬ್ಬಿ ರಸ ತೆಗೆಯಿರಿ ಮತ್ತು ಅದನ್ನು ಬೆಳಗ್ಗೆ ಖಾಲಿ ಹೊಟ್ಟೆಯಲ್ಲಿ ಸ್ವಲ್ಪ ಸೇವಿಸಿ. ಇದನ್ನು ಎರಡರಿಂದ ಮೂರು ದಿನಗಳ ಕಾಲ ಮಾಡಿ. ಇದು ದೇಹವನ್ನು ಶುದ್ಧೀಕರಿಸುವುದು ಮತ್ತು ವಿಷಕಾರಿ ಅಂಶ ಹೊರಗೆ ಹಾಕುವುದು.

ರಾತ್ರಿ ಊಟದ ಬಳಿಕ ಒಂದು ಲೋಟ ಹಾಲಿಗೆ ಸ್ವಲ್ಪ ಅರಶಿನ ಹಾಕಿ ಕುಡಿಯಿರಿ ಮತ್ತು ಇದು ಪ್ರತಿರೋಧಕ ಶಕ್ತಿ ವೃದ್ಧಿಸುವುದು.

ಸಾಸಿವೆ ಎಣ್ಣೆಗೆ ಕರ್ಪೂರ ಹಾಕಿಕೊಂಡು ಕೀಟ ಕಡಿದ ಭಾಗಕ್ಕೆ ಹಚ್ಚಿಕೊಳ್ಳಿ. ಇದು ಉರಿಯೂತ ಮತ್ತು ನೋವು ಕಡಿಮೆ ಮಾಡುವುದು.

Previous articleಸರ್ಕಾರು ವಾರಿ ಪಾಟ ಚಿತ್ರದ ನಾಯಕಿ ಕೀರ್ತಿ ಸುರೇಶ್
Next articleCinema(video): ಕೋಟಿಗೊಬ್ಬ 3 ಸಿನೆಮಾದ ಟಿವಿ ರೈಟ್ಸ್…