Kannada Serials

ವೇದಾಂತ್ ಅಮೂಲ್ಯಾ ಪ್ರೀತಿ ವಿಚಾರದಲ್ಲಿ ನಿಜಕ್ಕೂ ಆಟ ಆಡುತ್ತಿರುವವರು ಯಾರು ?

‘ಗಟ್ಟಿಮೇಳ’ ಧಾರಾವಾಹಿ ಈಗ ಮಹತ್ತರವಾದ ಘಟ್ಟ ತಲುಪಿದೆ. ಸಾಹಿತ್ಯಾ ಜೊತೆಗೆ ವೇದಾಂತ್ ಪ್ರೀತಿ ನಾಟಕ ಆಡುತ್ತಿರುವುದು ಒಂದುಕಡೆಯಾದರೆ, ಇನ್ನೊಂದು ಕಡೆ ವೇದಾಂತ್ ತನ್ನ ಇಷ್ಟಪಡುತ್ತಿಲ್ಲ ಎಂದು ಅಮೂಲ್ಯಾ ಬೇಸರದಲ್ಲಿದ್ದಾಳೆ. ಅಮ್ಮು ಮತ್ತು ವೇದಾಂತ್ ಒಂದುಮಾಡಲು ವೇದಾಂತ್ ಅಜ್ಜಿ, ತಂಗಿ, ತಮ್ಮ, ಭಾವ ಎಲ್ಲರೂ ಕಷ್ಟಪಡುತ್ತಿದ್ದಾರೆ. ಈ ಮಧ್ಯೆ ವಿಕ್ರಾಂತ್ ಮತ್ತು ಆರತಿ ಮದುವೆ ಮುರಿಯಲು ವೇದಾಂತ್ ತಾಯಿ ಮಾಸ್ಟರ್ ಪ್ಲ್ಯಾನ್ ಮಾಡುತ್ತಿದ್ದಾರೆ. ವೇದಾಂತ್ ತಾನು ಅರಿವಿಲ್ಲದೆ ಅಮೂಲ್ಯಾಳನ್ನು ಪ್ರೀತಿಸುತ್ತಿರುವ ವಿಚಾರ ಆತನಿಗೆ ಗೊತ್ತಾಗಬೇಕಿದೆ.

ಅಮೂಲ್ಯಾ ಮತ್ತು ವೇದಾಂತ್ ಮಧ್ಯೆ ಸಾಹಿತ್ಯಾ ಬಂದಿದ್ದೇಕೆ?

ಆರತಿಯಿಂದ ದೂರ ಆದರೆ ವಿಕ್ರಾಂತ್ ಬದುಕೋದಿಲ್ಲ. ಆದರೆ ವೇದಾಂತ್ ತಾಯಿಗೆ ಇದರ ಬಗ್ಗೆ ಕಿಂಚಿತ್ತೂ ಯೋಚನೆ ಇಲ್ಲ. ಪರಿಮಳ ಕುಟುಂಬಸ್ಥರು ತನ್ನ ಸಂಬಂಧಿಯಾಗೋದು ಈ ತಾಯಿಗೆ ಇಷ್ಟವಿಲ್ಲ. ಹೇಗಾದರೂ ಮಾಡಿ ಆರತಿ-ವಿಕ್ಕಿ ತಡೆಯಬೇಕು ಎಂದು ಮಾಸ್ಟರ್‌ಪ್ಲ್ಯಾನ್ ಮಾಡುತ್ತಿರುತ್ತಾಳೆ, ಅಮ್ಮು ಮನೆಯವರನ್ನು ಅವಕಾಶ ಸಿಕ್ಕಾಗಲೆಲ್ಲ ಅವಮಾನ ಮಾಡುತ್ತಿರುತ್ತಾಳೆ. ಆರತಿ ಸಿಗದಿದ್ದಕ್ಕೆ ವಿಕ್ಕಿ ಈ ಹಿಂದೆ ಆತ್ಮಹತ್ಯೆಗೆ ಪ್ರಯತ್ನಪಟ್ಟಿದ್ದು ಆ ತಾಯಿಗೆ ನೆನಪಿಲ್ಲ ಅನ್ಸತ್ತೆ. ಈ ಮಧ್ಯೆ ಸಾಹಿತ್ಯಾಳನ್ನಿಟ್ಟುಕೊಂಡು ಅಮೂಲ್ಯಾ ಮತ್ತು ವೇದಾಂತ್‌ರನ್ನು ಇನ್ನಷ್ಟು ದೂರಮಾಡಲು ಪ್ರಯತ್ನಪಡುತ್ತಿದ್ದಾರೆ ಅವರು.

​ಅಮೂಲ್ಯಾ ಮನೆಗೆ ಬಂದಿರುವ ಧ್ರುವ ಯಾರು?

ಅಮೂಲ್ಯಾ ಮನೆಗೆ ಬಂದಿರುವ ಧ್ರುವ ಎನ್ನುವವನಿಗೂ, ವೇದಾಂತ್‌ಗೂ ಸಂಬಂಧವಿದೆ. ಆದರೆ ಈತ ವೇದಾಂತ್ ತಾಯಿ ಹೇಳಿದ ಮಾತನ್ನು ಕೇಳಿ ಪ್ಲ್ಯಾನ್ ಮಾಡಿ ಅವರ ಮನೆಗೆ ಬಂದಿರುವ ಸಾಧ್ಯತೆಯಿದೆ. ಜೊತೆಗೆ ಅಮೂಲ್ಯಾ ತಂಗಿ ಪ್ರೀತಿಸಿ ಮದುವೆಯಾಗಬಹುದು. ಧ್ರುವ ಪಾತ್ರ ನಿಜಕ್ಕೂ ಆಶ್ಚರ್ಯ ತಂದಿದೆ. ಧ್ರುವ ಮತ್ತು ವೇದಾಂತ್ ಭೇಟಿಯಾಗಲು ಜಯಂತಿ ಬಿಟ್ಟುಕೊಡುತ್ತಿಲ್ಲ. ಹೀಗಾಗಿ ಈ ಪಾತ್ರದ ಹಿಂದೆ ದೊಡ್ಡ, ಶಾಕ್ ನೀಡುವ ಕಥೆ ಇರಬಹುದೇನೋ! ಮುಂದಿನ ದಿನಗಳಲ್ಲಿ ಈ ಕುರಿತು ಮಾಹಿತಿ ಲಭ್ಯವಾಗುವ ಸಾಧ್ಯತೆಯಿದೆ.

​ಸಾಹಿತ್ಯಾ ಬರ್ತಡೇ ಪಾರ್ಟಿಯಲ್ಲಿ ಪ್ರೀತಿ ವಿಚಾರ ಹೇಳ್ತಾನಾ ವೇದಾಂತ್?

ಸಾಹಿತ್ಯಾ ಬರ್ತಡೇ ಪಾರ್ಟಿಯಲ್ಲಿ ಅಮೂಲ್ಯಾ ಅಥವಾ ಅವರ ಮನೆಯವರಿಗೆ ಬೇಸರ ತರಿಸುವ ಏನಾದರೊಂದು ಸಮಸ್ಯೆ ಎದುರಾಗುವ ಸಾಧ್ಯತೆಯಿದೆ. ಇದನ್ನು ಸಹಿಸದೆ ಅಮೂಲ್ಯಾಳನ್ನು ಪ್ರೀತಿ ಮಾಡುತ್ತಿರುವ ವಿಚಾರವನ್ನು ವೇದಾಂತ್ ಆವೇಶದಲ್ಲಿ ಹೇಳುವ ಸಾಧ್ಯತೆಯಿದೆ. ಇದರಿಂದ ಇವರಿಬ್ಬರ ಪ್ರೀತಿ ಎಲ್ಲರಿಗೂ ತಿಳಿಯಲಿದೆ. ಆಗ ವೇದಾಂತ್ ಅಮ್ಮ ಇನ್ನಷ್ಟು ಕೋಪ, ದ್ವೇಷದಿಂದ ಕುದಿಯಬಹುದು. ತದನಂತರದಲ್ಲಿ ಆರತಿ-ವಿಕ್ಕಿ ಮದುವೆ ಇನ್ನಷ್ಟು ಜಟಿಲವಾಗುತ್ತದೆ. ಅಮೂಲ್ಯಾಳಿಂದ ಪದೇ ಪದೆ ದೂರವಾಗುತ್ತಿರುವ ವಿಚಾರ ವೇದಾಂತ್‌ ಅರಿವಿಗೆ ಬಂದು, ಸಾಹಿತ್ಯಾ ಮತ್ತು ತನ್ನ ನಡುವೆ ನಡೆದಿದ್ದು ಡೀಲ್ ಎಂದು ಬಾಯಿಬಿಟ್ಟು ಹೇಳಬಹುದು. ಹೆಣ್ಣುಮಕ್ಕಳು ಕಂಡರೆ ದೂರಹೋಗುವ ವೇದಾಂತ್, ಅಮೂಲ್ಯಾಳನ್ನು ಪ್ರೀತಿ ಮಾಡುವ ವಿಚಾರವನ್ನು ಹೇಗೆ ಒಪ್ಪಿಕೊಳ್ಳುತ್ತಾನೆ? ಹೇಗೆ ಎಲ್ಲರ ಮುಂದೆ ಧೈರ್ಯದಿಂದ ಹೇಳುತ್ತಾನೆ? ಎಂಬುದೇ ತುಂಬ ಕುತೂಹಲವಿರುವ ವಿಚಾರ.

Trending

To Top