Karnataka

ಪ್ರೀತಿಯ ಗೋಪಿ ಕೈಯಲ್ಲಿ ಪುಸ್ತಕ ಬಿಡುಗಡೆ ಮಾಡಿಸಿದ ಸುಧಾ ಮೂರ್ತಿ ಅಮ್ಮ !

ಇನ್‌ಫೋಸಿಸ್‌ ಫೌಂಡೇಶನ್‌ ಮುಖ್ಯಸ್ಥೆ ಹಾಗೂ ಲೇಖಕಿ ಸುಧಾಮೂರ್ತಿ ತಮ್ಮ ಪ್ರೀತಿಯ ಸಾಕು ನಾಯಿ ಗೋಪಿಯ ಕುರಿತು ಬರೆದಿರುವ ಪುಸ್ತಕ “ದ ಗೋಪಿ ಡೈರೀಸ್‌ – ಕಮಿಂಗ್‌ ಹೋಮ್‌” ಅನ್ನು ಬೆಂಗಳೂರಿನಲ್ಲಿ ಲೋಕಾರ್ಪಣೆಗೊಳಿಸಲಾಯಿತು.

ಅಶೋಕ ನಗರದ ಹೆಡ್ಸ್‌ ಅಫ್‌ ಫಾರ್‌ ಟೈಲ್ಸ್‌ ನಲ್ಲಿ ನಡೆದ ಕಾರ್ಯಕ್ರಮದಲ್ಲಿ ತಮ್ಮ ಪ್ರೀತಿಯ ನಾಯಿ ಗೋಪಿಯಿಂದಲೇ ಪುಸ್ತಕವನ್ನು ಬಿಡುಗಡೆಗೊಳಿಸಿದ್ದು ಬಹಳ ವಿಶೇಷವಾಗಿತ್ತು.
ವೇದಿಕೆಯಲ್ಲೇ ಮುದ್ದಾಡಿದ ಅವರು, ಸಾಕು ನಾಯಿ ಗೋಪಿ ಜತೆಗೆ ಇರುವ ತಮ್ಮ ಆತ್ಮೀಯತೆಯನ್ನು ತೋರಿಸಿಕೊಟ್ಟರು.

ಸುಧಾಮೂರ್ತಿ ಅವರ ಮಾತನ್ನು ಪಾಲಿಸಿದ ಗೋಪಿ ತನ್ನ ಬಾಯಿಯಿಂದ ರಿಬ್ಬನ್‌ ಎಳೆದು ಪುಸ್ತಕ ಬಿಡುಗಡೆಗೊಳಿಸಿ, ಎಲ್ಲರನ್ನು ಆಶ್ಚರ್ಯಚಕಿತಗೊಳಿಸುವಂತೆ ಮಾಡಿತು.

ನಂತರ ಕಾರ್ಯಕ್ರಮವನ್ನು ಉದ್ದೇಶಿಸಿ ಮಾತನಾಡಿದ ಸುಧಾಮೂರ್ತಿ ಅವರು, ಪ್ರೀತಿಯ ಸಾಕು ನಾಯಿ ಗೋಪಿಯ ಜತೆಗಿನ ಬಾಂಧವ್ಯದ ಕುರಿತು ವಿವರಿಸಿದರು.
ಮನೆಗೆ ಗೋಪಿಯನ್ನು ತಂದಾಗಿನಿಂದ ಇದುವರೆಗೆ ಅದರೊಂದಿಗೆ ಕಳೆದ ಅಪರೂಪದ ಕ್ಷಣಗಳನ್ನು ನೆನಪಿಸಿಕೊಂಡರು.

ನಂತರ ನಡೆದ ಸಂವಾದದಲ್ಲಿ ಸಭಿಕರು ಸಾಕು ಪ್ರಾಣಿಗಳನ್ನು ಸಾಕುವಾಗ ಎದುರಾಗುವ ಸಮಸ್ಯೆಗಳ ಬಗ್ಗೆ ಪ್ರಶ್ನೆಗಳನ್ನು ಕೇಳಿದರು. ಇದಕ್ಕೆ ಉತ್ತರಿಸಿದ ಸುಧಾಮೂರ್ತಿ, ಸಾಕು ಪ್ರಾಣಿಗಳನ್ನು ಸಾಕುವಾಗ ಅನುಸರಿಸಬೇಕಾದ ಕೆಲವು ಟಿಪ್ಸ್‌ಗಳನ್ನು ನೀಡಿದರು.

ಮನೆಯಲ್ಲಿ ಪ್ರಾಣಿಗಳನ್ನು ಸಾಕಲು ಸಾಧ್ಯವಾಗದಿದ್ದರೆ ಪ್ರಾಣಿಗಳನ್ನು ಸಂರಕ್ಷಣೆ ಮಾಡುವ ಕೇಂದ್ರಗಳಿಗೆ ಅಗಾಗ್ಗೆ ಭೇಟಿ ನೀಡಿ, ಕಡೆಗಣನೆಯಾದ ಪ್ರಾಣಿಗಳ ಜತೆ ಬೆರೆಯಬಹುದಾಗಿದೆ ಎಂದು ಹೇಳಿದರು.

ಇನ್‌ಫೋಸಿಸ್‌ ಸಂಸ್ಥಾಪಕ ನಾರಾಯಣ ಮೂರ್ತಿ, ಪುಸ್ತಕದ ಸಂಪಾದಕಿ ಶೃತಕೀರ್ತಿ ಖುರಾನ ಸೇರಿದಂತೆ ಹಲವರು ಕಾರ್ಯಕ್ರಮದಲ್ಲಿ ಪಾಲ್ಗೊಂಡಿದ್ದರು.

Trending

To Top